Hier kummt de Elevator an. Hebt jie hum funnen? Boben kann de Müller instellen, wor dat Korn uut de Elevator hen sall. Toerst mutt dat to de Vorreinigung. Un later kummt dat too de twee Mahlgänge. De Bütt door umtoo kann man upmaken. Dann sücht man de Looper. De löppt over de Ligger und in de lüttje Spalt daartüschen woordt dat Korn mahlt. De Kraft van de Wind kummt in de Flögels un woordt over de Ass, de Bunkler un de Königswell an dat groote Stirnrad över us overdragen. Daar kann man de „Stockraden“ indrücken und dann wordt door dat „Spill“ de Looper andreeben un dat Mahlen fangt an. Aff un an muss de Müller de Furchen in de Steenen weer scharp maken. De holten Bütt umtoo weerd daartoo offbaut, un de metallen Kraan woord in twee Gatten an de Kant van de Stehen inleggt. Dann wordt de Loopermit de Spindel narr boven dreiht, an de Siet dreiht un umleggt, so dat he nar unnern up de Böhn afleggt worden kann. Nu kann de Müller mit spezielle Hamers de Furchen an Looper und Ligger weer scharp maken un dat heele Spill torüg brengen. In de Müllerkurs is dat all mal makt woorn un de Mester hett seggt, so vööl as wie mahlen deen, in uns Leben mutten wie de Steenen nooit mehr scharp maken! Well weet!

…