9 – Steen, Holt un Metall in de Möhl

material

De Kunst van de Möhlenbauer is, dat Steen, Holt un Metall good tosammen warken. Van Steen sünd de Klinkermüüren, de Lagers van de groote Assen un de Möhlsteenen. Uut Holt sünd de Flögels, de heele Bau van de Achtkant, de hier anfangt, de groote Raden, de Balken un Planken. Van Metall sünd de Ruten van de Flögels, de Windrose, de de Kappe in de Wind dreiht, un noch veel mehr. Woor dat gung, hebben de Lüü Holt van hier nomen: Tann un Fichte för de Balken, Iek för de grote Raden un Heimbuche för de Kammen, dat sünd de Tannen darin, da gahn gern de Holtwurmen in un laten daför de düüren ieken Raden in Roh. Man seggt, dat is „Opferholt“. Pappel is good för de grote Fang, mit de de Kammrad an de Ass in de Kappe ofbremst word. De Fang word van de Galerie uut trucken. Da gah wie nu henn.

linksrechts