Nu sind wie up de Galerie. Se is 2016 von Möhlenbauer Henno Böök und Didi Schlachter uut Dunum nee mokt worden. De Galerie is heel uut Eekenholt, bloot de Planken sind uut Lärche. De Footen van de lange Schoren, de de Galerie dragen, sind uut Robinienholt, een good Idee van uns Bauspezialist Egon Hamacher! Wie hemmn een Net spannt, dormit nüms runner fallen kann. Geeft Acht up de Sperre, wenn de Flögels sick dreihen! Vörn künnen de Müllers van de Galerie uut an de Flögels de Segels setten. Damit der mehr Wind an de Flögels kummt, hemmn se ook de Sturmbretter an de Flögels inhaakt.

De Müller kiekt jümmers, off de Kapp mit de Flögels richtig tegen de Wind steiht, nett so as bi Windkraftanlagen. In Jever mokt dat uns Windrose van sülfst. De Windrose is dat lüttje Windrad achtern an de Kapp. De dreiht de heele Kapp so lang, bit dat de Flögels weer tegen de Wind stahn. Unner de Windrose kummt de Fangstock uut de Kappe. Mit de Fangkett makt de Müller de Fang los. Bloot he düürt dat! Wenn nich genog Wind is, mutt he vöörher de Segels an de Flögels spannen. De Foss dar boben brengt Glück un sörgt daför, dat kein Brand in de Möhl kummt. Een heel büllt Wark hemm de Möhlenfründen, um alls an de Möhl in Gang to hollen, da brukens ook mennig een Euro för. Oh, dor fallt mi in, wie hemm ja noch uns Sammeldöske heel unnern in de Söller an de Trappen. Könt jie naderhand ehm kieken, off daar wall noch Lücht in is? Besten Dank, un kommt bold wedder!

…