Mühleswklein

Schlachtmöhl

De Schlachtmöhl is een tweestockige Galeriehollander mit Windrose. In de Möhl is noch de heele Technik to sehn, so as se bit in de 1960-er Jahren bruukt weerd, mit een Peldegang un Roggen- un Weet-Mahlgangen. Flögels un Kapp sünd 2004 nee maakt woorn un siet 2010 könen sick de Flögels ook weer dreien. 2013 sünd de Windrose un dat Reetdack repareert un de Fensters boben uutwesselt woorn. 2014 is de Möhlenhoff nee plastert woorn. 2015 hebb wie een Mahlgang weer in Gang brocht. Dat Müürwerk is mit Mosselkalk nee verfugt woorn. 2016 hebb wie dann een nee Galerie kregen und de Fensters und Dören unnern sind uutwesselt woorn.
Un so geiht dat wieder, so as dat Geld tosamen kummt: Uns Handwerkers willn so naa und naa de Maschinen weer to Gang bringen un daar helpen de Schölers van de BBS uns bie.
Nebenan in de Mühlenschüür kann man in dat Landwirtschaftsmuseum de Maschinen för de Weg van dat Korn van de Saat an bit too de Aarnt ankieken. Dann ist da ook noch een groote Schlosserwarkstee mit vööl Warktüüg too sehn.

Wanneer wie open hemm

Jie könt van Mitte April (Kiewittmarkt) bit Mitte Oktober (Brüllmarkt) an Sönnabend un Sönndag nomiddags van 2 bit 5 mit een künnige Möhlenfründin of –fründ de Möhl ankieken. Nett so an Fierdagen un de Brückendagen darbie. Un in Juli un August hemm wie ook all an Middeweek un Freedag van 2 bit 5 open. In dat Landwirtschaftsmuseum nebenan hemms too de glieke Tieden open. Wenn jie too annere Tieden mit mehr Lüü tosammen komen willt, rööpt eben biet Schlossmuseum unner 04461-969350 an!

Möhl und Schüür hörn to de Zweckverband Schlossmuseum Jever. De Möhlenfründen van de Arbeitskreis Schlachtmühle im Jeverländischen Altertums- und Heimatverein kümmern sück um de Möhl.